لماذا يُدفع بدل الاستشارة القانونية؟

مقال غريب لسؤال اغرب؟

اخواني أصحاب النخوة انا بحاجة لعمل عملية جراحية معقدة واحتاج طبيب يعلمني كيف اعملها لنفسي بدون طبيب !

وعندي قطعة ارض بدي ابنيها واعمل ديكورات حلوة ومطلوب مهندس يدلني ويعلمني شو اعمل خطوة بخطوة بدون مهندس .!

وبدي ارفع قضية اخلاء ومطالبة مالية واجر مثل ومنع معارضة وتعويض عن الاضرار وبدي محامي يعلمني كيف اعملها بدون ما اوكل محامي !

وصلت الرسالة ولا لسة ؟

قضايا الاخلاء وتوابعها قضايا معقدة بطبيعتها وكثير من زملائي المحامين لسنوات يتصلون بي ونتشاور في كثير من المحاور واخر الاجتهادات القضائية وطرق كتابة العقود وطريقة كتابة الإنذار وطريقة تعبئة أسماء الأطراف ولا زلت اتعلم منذ 25سنة بسبب تغير القوانين والاجتهادات القضائية ورغم اني درست هذه المادة لبعض المحامين ولطلاب القانون .ولا زال الكثيرين يحجمون عنها بسبب تعقيداتها وبسبب طول مدتها وبسبب المدد وطلب الخبرة في بعضها وانها مرتبطة بأكثر من قانون .وياتي اشخاص أصدقاء بكل بساطة برن علي بده اعلمه كيف يمشي بالقضية من بدايتها الى نهايتها .

هسا واحد بنطلي بقلي انا عملتها وزبطت .

الله يرحمها جارتنا فريال اشتغلت بصيدلية وهي راسبة توجيهي لمدة 4اشهر وصارت تعطي ادوية لكل الحارة .وتكذب اراء الأطباء والصيادلة لانها حفظت 22معلومة و7ادوية ّ!والنهفة مات بخطأ طبي ودواء خاطيء بسبب خلط دوايين مع بعض !

وصلت الرسالة ولا لا؟

الله خلق الاختصاص وأصحاب المهن ولكل مهنة اسرارها .

والله يعينا على الطخ من ورى هذا المقال .بس كان نفسي نبحث عن المحامي المتخصص وليس الأقل سعرا وبعدها تصير تنزل -اريد حلا

بتطلب استشارة على التلفون بدون عقود

بتطلب استشارة على النت ؟

الدكتور المحترف بتروحله بمشكلة بعملك 5فحوصات قبل لا يجاوبك .والمحامي ممكن يساعدك اذا سؤال قانوني بسيط من باب الخدمة ولكن اذا موضوع معقد ولا فيه عقود وارواق ملفات ولا قضايا فلازم يدرس القضية وارواقها لايام حتى يجاوب بكل دقة استشارة خطية مختومة منه .

اخوكم المحامي وسام الحوامدة